相信今日中午，
大部分瞓晏觉嘅朋友仔，
都唔係被闹钟惊醒，
而係被一个 " 离婚瓜 " 掟醒嘅。
28 日下午 1 点，
黄晓明、Angelababy
发文互 @对方，
表示 " 感恩过去所有，
未来仍是家人。"
随后两人工作室发布声明称
他们决定和平分开，
已于日前办妥相关手续，
未来将共同抚养孩子。
至此，呢个传闻已久嘅
离婚瓜终于 " 瓜熟蒂落 "。
想当年，两人热恋超甜蜜，
密会、探班、几度合作 …
爱得劲高调。
15 年于上海举行嘅世纪婚礼
更係全城瞩目，极尽奢华，
係此后每逢明星夫妇结婚
都会拿嚟比较一番嘅程度。
不过呢几年，
关于两人感情破裂嘅
消息频出，
两人不但同框与
秀恩爱次数急剧下降，
连微博互动都几乎为零。
对上一次同框出席活动时，
两人相处不复昔日甜蜜，
反而热度颇高嘅事係
" 黄晓明贴心提裙，
Baby 冷漠无视 "
尽管当事人冇作太多回应，
不过两人避谈对方嘅
事实放在眼前，
加上去年年初《浪姐 2》，
黄晓明、李菲儿
呢对昔日恋人再同台
当年嘅感情瓜葛再次引发争议。
惹到 Angelababy 暴怒发文，
否认自己插足李菲儿和黄晓明，
文中更以 " 黄先生 " 称呼黄晓明，
令二人离婚传闻坐实味道更浓。
尽管随后黄晓明发声护妻，
并宣布退出《浪姐 2》录制。
但外界关于二人婚姻状态嘅
猜测依然愈演愈烈。
不过从去年年尾开始，
两人关系似乎又有暖和趋势，
先係《跑男》节目上，
Angelababy 久违地
暗 cue 黄晓明秀恩爱。
前几日又有 Angelababy 被影到
身穿北京电影学院旧款校服，
疑似係属于老公黄生所有，
暗戳戳撒狗粮。
只係如今睇嚟，
或者为咗粉饰太平。
一般嚟讲，明星夫妇离婚
点都算係嘅 " 大瓜 " 嘅 ~
不过经历完 2021 嘅几波连环瓜，
网友对于呢啖陈年老瓜，
都真係冇乜感觉。
甚至未正式官宣时，
豆瓣已经出埋预告添，
所以多数网友都表示
係意料之中 ↓
有网友 " 吃瓜综合症 " 发作，
即刻去睇睇汪峰有乜新搞作 ↓
